ⵓⴷⴷⵓⵎ ⵏ ⵉⴼⵔ ⴰⴷⵙⵍⴰⵏ ⴳ ⵓⵙⴰⵎⵎⵔ

ⵉⵏⵖⵓⴱⴰ ⴷⵉⵖ ⵢⴰⵏ ⵉⴼⵔ ⵙⴳ ⵉⴼⵔⴰⵡⵏ ⵉⵣⴷⴷⵉⴳⵏ ⵏ ⵜⵖⵏⵙⴰ ⵜⴰⵎⴰⵣⵉⵖⵜ ⴳ ⵓⵙⴰⵎⵎⵔ ⵎⴰⵙⵙ ⴰⵎⵙⵏⴰⵡ ⴱⵕⴰⵀⵉⵎ ⵄⵉⵏⴰⵏⵉ , ⴰⵙⵙ ⵏ ⵙⵙⴱⵉⵜ ⴷⴷⵖ ⵏⵏⴰ ⵉⴳⴰⵏ 13 ⵢⵓⵏⵢⵓ 2020 ⴳ ⵜⵎⴰⵣⵉⵔⵜ ⵏ ⵜⵎⵜⵜⴰ ⵉⵎⵓⵏⵏ ⵍⵍⵉⵖ ⵜ ⵢⴰⵖ ⵢⴰⵏ ⵉⵖⵏⵛⴰ ⵏ ⵍⴽⵓⵏⵚⵉⵕ .

ⵉⴽⴽⴰ ⵜⵜ ⵉⵏⵏ ⵉⴳⵍⵍⵉⵏ ⵏ ⵄⵉⵏⴰⵏⵉ ⵙⴳ ⵜⵎⵥⵉ ⵏⵏⵙ ⵢⵓⵙⵉ ⴰⵏⵣⴳⵓⵎ ⵏ ⵜⵎⵏⵜⵉⵍⵜ ⵜⴰⵎⴰⵣⵉⵖⵜ, ⵣⵓⵏⴷ ⴰⴽⴽ ⵉⵏⴳⴳⵯⴰ ⵏⵏⵙ ⴳ ⵜⵙⴳⴰ ⵏ ⵓⵙⴰⵎⵎⵔ , ⴳ ⵢⴰⵏ ⵓⵣⵎⵣ ⵍⵍⵉⵖ ⵉⴳⵯⴷⵍ ⵓⵏⵣⴰⵖ ⴼ ⵜⵎⵏⵜⵉⵍⵜ ⴷⴷⵖ .

ⵉⴳⵍⵍⵉⵏ ⵏ ⵎⴰⵙⵙ ⴱⵕⴰⵀⵉⵎ ⵄⵉⵏⴰⵏⵉ ⵉⴳⴰ ⵙⴳ ⵜⵖⵔⵎⵜ ⵏ ⴰⵢⵜ ⵄⴱⴷⵓⵏ ⵏⵏⴰ ⵉⴹⴼⴰⵕⵏ ⵉ ⴱⵓⵎⴰⵍⵏ ⴷⴰⴷⵙ ⵜⴰⵙⴳⴰ ⵏ ⵜⵉⵏⵖⵉⵕ,,ⵉⴳⴰ ⵎⴰⵙⵙ ⴱⵕⴰⵀⵉⵎ ⵙⴳ ⵉⵎⵙⵏⴰⵡⵏ ⵉⵎⴰⵣⵉⵖⵏ ⵏⵏⴰ ⵉⴼⴽⴰⵏ ⵉ ⵓⵙⵡⵉⵏⴳⵎ ⴷ ⵓⵔⵣⵣⵓ ⵅⴼ ⵜⵖⵏⵙⴰ ⵜⴰⵎⴰⵣⵉⵖⵜ ⴳ ⵍⵎⵖⵔⵉⴱ ⴰⴽⴽⵯ,ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⴰⵔ ⵉⵜⵜⴰⵡⵙ ⵙ ⵜⵓⴳⵜⵜ ⴳ ⵜⵉⵏⴰⵡⵉⵏ ⴷ ⵉⵎⵓⵙⵙⵓⵜⵏ ⵏⵏⴰ ⵉⵜⵜⴳⴳⴰ ⵓⵎⵓⵙⵙⵓ ⴰⵎⴰⵣⵉⵖ ⴳ ⵡⴰⵢⵢⴰⵡⵏ ⵏⵏⵙ ⴰⴽⴽⵯ .

ⵉⴽⴽⴰ ⵜⵜ ⵉⴳⵍⵍⵉⵏ ⵏ ⴱⵕⴰⵀⵉⵎ ⵄⵉⵏⴰⵏⵉ ⵉⴳⴰ ⴰⵙⵍⵎⴰⴷ ⵏ ⵜⵓⵜⵍⴰⵢⵜ ⵜⵉⵏⴳⵍⵉⵣⵜ ⴳ ⵜⵙⵉⵏⴰⵏⵜ ⵏ ⴱⵓⵎⴰⵍⵏ ⴷⴰⴷⵙ, ⴰⵢⵍⵍⵉⵖ ⵉⵣⵓⴳ ⴷ ⵜⴰⵔⵡⴰ ⵏⵏⵙ ⵙ ⵜⵎⵓⵕⴰ ⵉⵎⵓⵏⵏ ⵏ ⵎⴰⵔⵉⴽⴰⵏ,ⵍⵍⵉⵖ ⵉⴹⴼⵕ ⴰⵙⴰⵙⴼⵔ ⵙⴳ ⵜⵎⴰⴹⵓⵏⵜ ⵏⵏⴰ ⴷⵉⴳⵙ ⵉⵍⵍⴰⵏ .

ⵉⵙⵜⴰⵡⵀⵎⵎⴰ ⴽⵉⴳⴰⵏ ⵉⴳⵍⵍⵉⵏ ⵏ ⵄⵉⵏⴰⵏⵉ ⵙ ⵜⵎⵏⵜⵉⵍⵜ ⵜⴰⵎⴰⵣⵉⵖⵜ ⵢⵉⵍⵉ ⴷⵉⴳⵙ ⵓⵏⵣⴳⵓⵎ ⵉⵣⵣⴰⴹⵏ ⵡⵓⵍ ⵏⵏⵙ ,ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵢⵉⵡⵙ ⴳ ⵜⵓⴳⵜⵜ ⵏ ⵉⴳⵔⴰⵏ ⵏⵏⴰ ⵉⵣⴷⵉⵏ ⴷ ⵜⵓⵜⵍⴰⵢⵜ ⴷ ⵓⵎⵣⵔⵓⵢ ⵏ ⵜⵎⴰⵣⵉⵖⵜ,ⵉⵙⵎⴷ ⵜⴰⵖⵏⵙⴰ ⵏⵏⵙ ⵍⵍⵉⵖ ⵢⵓⵔⴰ ⵛⵉⴳⴰⵏ ⵏ ⵉⴷⵍⵉⵙⵏ ⴷ ⵉⵎⴰⴳⵔⴰⴷⵏ ⵉⴼⵍⵙⴰⴼⵏ ⵏⵏⴰ ⵉⵣⴷⵉⵏ ⴷ ⵓⵙⵡⵉⵏⴳⵎ ⴰⵍⵎⴰⵣⵉⵖ .

ⵉⵙⵜⴰⵡⵀⵎⵎⴰ ⴱⴰⵀⵔⴰ ⴼ ⵓⵙⵙⵍⴽⵎ ⵏ ⵓⵎⵔⵔⴷ ⴷ ⵓⵅⵓⴱ ⵏ ⵡⴰⴹⵓ ⵏ ⴰⵢⵜ ⵜⴰⵎⴰ ⵏⵏⴰ ⴳⴰⵏⵉⵏ ⵉⵎⴰⵉⵖⵏ,ⴰⴼⴰⴷⴰ ⴷ ⵉⵙⵙⵍⴽⵎ ⴰⵖⵓⵢⵢⵉ ⵏⵏⵙⵏ ⵉ ⵓⴷⴰⴱⵓ ⴷ ⵓⵎⴰⴹⴰⵍ ⴰⴽⴽⵯ .

ⴳ ⵜⴳⵉⵔⴰ ⵍⵍⵉⵖⵜ ⵢⴰⵖ ⵉⵖⵏⵛⴰ ⵏ ⵍⴽⵓⵏⵚⵉⵕ ⵓⵔ ⵉⵙⴱⴷⴷⴰ ⵉⴳⵍⵍⵉⵏ ⵏ ⵄⵉⵏⴰⵏⵉ ⴰⴱⵔⵉⴷ ⴰⵖⵏⵙⴰⵏ ⵏⵏⵙ,,ⵉⵙⵓⵍ ⴰⵔ ⵉⵙⵙⴼⵔⴰⴽ ⵉⵡⴷⴰⵏ ⴰⴽⴽⵯ ⴼ ⵓⵙⵖⵉⵡⵙ ⵙ ⵜⵎⵏⵜⵉⵍⵜ ⴷ ⵓⵙⵡⵉⵏⴳⵎ ⴰⵎⴰⵣⵉⵖ .

ⴰⴳ ⵓⵏⵏⴰ ⵉⵜⵜⵓⵏⵏⴰⵏ ⵅⴼ ⵓⵎⵙⵏⴰⵡ ⵄⵉⵏⴰⵏⵉ ⴷⴼⴼⵉⵔ ⵏ ⵜⵎⵜⵜⴰⵏⵜ ⵏⵏⵙ ⵢⴰⵜ ⵜⵎⴷⵢⴰⵣⵜ ⵏⵏⴰ ⵢⵓⵔⴰ ⵎⴰⵙⵙ ⵎⵙⵟⴰⴼⴰ ⵍⵡⵕⴹⵉ, ⴷⴰ ⴷⵉⴳⵙ ⵉⵜⵜⵉⵏⵉ ⴳ ⵜⵉⵣⵡⵉⵔⵉ :

ⴰ ⴱⵕⴰⵀⵉⵎ … ⴰ ⵄⵉⵏⴰⵏⵉ
ⴰⵡⴰ ⵜⵣⵔⵉⵜ ⴰⵖ
ⵜⵣⵔⵉⵜ ⴰⵙⴰⵎⵎⵔ
ⵏⴳⵍⵏ ⵡⴰⵎⴰⵏ …ⵏⵣⵖⵏ ⵉⵎⵟⵟⴰⵡⵏ
ⵉⴼⵙⵜⴰ ⵓⴷⵔⴰⵔ … ⵢⵓⵍⵍⴰ ⴱⵓⵎⴰⵍ

ⵉⵡⴷⴰⵏ ⴰⴽⴽⵯ ⵏ ⵓⵙⴰⵎⵎⵔ ⴷⴰⵔⵙⵏ ⵢⴰⵜ ⵜⴰⵣⴷⴰⵢⵜ ⵉⴷⵓⵙⵏ ⴷ ⵉⴳⵍⵍⵉⵏ ⵏ ⵄⵉⵏⴰⵏⵉ,ⵙ ⵜⴼⴳⴰⵏⵉⵜ ⵏⵏⵙ ⵓⵔⵜⴰ ⵉⴳⵉ ⴰⵙⵍⵎⴰⴷ ⴷ ⵓⵎⵙⵏⴰⵡ.

ⵉⴳⴰ ⵉⴳⵍⵍⵉⵏ ⵏ ⵄⵉⵏⴰⵏⵉ ⵢⴰⵜ ⵜⴼⵔⵉⵔⵜ ⵏⵏⴰⴷ ⵜⵙⵙⵓⴼⵖ ⵜⵎⵏⵜⵉⵍⵜ ⵜⴰⵎⴰⵣⵉⵖⵜ ⴳ ⵜⵙⴳⴰ ⵏ ⵓⵙⴰⵎⵎⵔ ⵏ ⵍⵎⵖⵔⵉⴱ .

ⵉⵣⵏⵥⵕ ⵉⵙⵎ ⵏ ⵓⵎⵖⵏⴰⵙ ⵉⴳⵍⵍⵉⵏ ⵏ ⵄⵉⵏⴰⵏⵉ ⴳ ⵓⴱⵔⵉⴷ ⵏ ⵜⵖⵏⵙⴰ ⴰⵙ ⴳⵉⵙⵏⵜ ⵜⴰⵍⵍⵉ ⵉⴳⴰⵏ ⵜⴰⴷⵙⵍⴰⵏⵜ ⴰⵣⵎⵣ ⵏ ⵜⴳⵔⵙⵜ ⵜⴰⴱⵔⴽⴰⵏⵜ ⵏ 2007 ⴳ ⴱⵓⵎⴰⵍⵏ ⴷⴰⴷⵙ,ⵍⵍⵉⵖ ⵢⵓⵙⵉ ⴰⵏⵣⴳⵓⵎ ⵏ ⵓⵏⵣⴰⵖ ⵅⴼ ⵉⵏⴽⵔⴰⴼ ⵉⵙⵔⵜⴰⵏⵏ,ⵢⵓⵔⴰ ⵜⵓⴳⵜⵜ ⵏ ⵉⵎⴰⴳⵔⴰⴷⵏ ⵅⴼ ⵓⵢⴰⴷ ⴰⴽⴽⵯ,ⴳⵏ ⵉⵙⵡⵉⵏⴳⵉⵎⵏ ⵏⵏⵙ ⵎⴳⴰⵍ ⵏ ⵜⵙⵔⵜⵉⵜ ⵏ ⵓⵙⵉⵜⵜⵉ ⵏ ⵓⵣⵔⴼ ⵏ ⵉⵎⵣⴷⴰⵖ ⵉⵎⴰⴷⴰⵏⵏ ⵉⵎⵣⵡⵓⵔⴰ ⵉⵎⴰⵉⵖⵏ. ⵢⴰⵙⵉ ⵜⵓⴳⵜⵜ ⵏ ⵜⵔⴳⴳⴰⵎ ⵙⴳ ⴷⴰⵔ ⵉⵏⴱⴷⴰⴷⵏ ⵏⵏⴰ ⵉⵣⵣⵉⵡⵉⵣ ⵓⵙⵡⵉⵏⴳⵎ ⵏⵏⵙ ⴰⴷⵔⴼⵉ ⵏⵏⴰ ⵉⴳⴰⵏ ⵡⴰⵥ ⵙ ⵢⴰⵜ ⵜⵖⴰⵔⴰⵙⵜ ⵜⴰⵖⵏⵙⴰⵏⵜ ⵉⵣⵏⵥⵕⵜ ⴳ ⵓⵙⴰⵎⵎⵔ .

ⴰⵔ ⵜⵜⵉⵏⵉⵏ ⵉⵎⵣⵡⵓⵔⴰ ,ⵡⴰⵏⵏⴰ ⴷ ⵢⵓⵊⵊⴰⵏ ⴰⵔⵔⴰⵡ ⴹⴰⵕⵜ ⵏⵏⵙ ⴷ ⵡⴰⵔⵔⴰⵜⵏ ⵓⵔ ⵉⵎⵎⵓⵜ ⵎⴰⵛⴰ ⵉⴽⵛⵎ ⵢⴰⵜ ⵜⵓⴷⵔⵜ ⵢⴰⴷⵏ .

ⵜⴰⵎⵍⵍⴰ ⵏ ⴱⴰⴱ ⵏ ⵉⴳⵏⵡⴰⵏ ⴼ ⵓⵎⵙⵏⴰⵡ ⴰⵎⴰⵣⵉⵖ ⵉⴳⵍⵍⵉⵏ ⵏ ⴱⵕⴰⵀⵉⵎ ⵄⵉⵏⴰⵏⵉ . ⴰⴷ ⴰⴽⴽⵯ ⵏⴹⴼⵕ ⴰⴱⵔⵉⴷ ⴰⵙⵡⵉⵏⴳⴰⵎ ⵏ ⵎⴰⵙⵙ ⵄⵉⵏⴰⵏⵉ ⴰⴼⴰⴷ ⴰⴷ ⵓⵔ ⵉⵖⴰⵔ ⵓⴱⴱⴰⵍⵓ ⴷⴷⵖ ⵏ ⵜⵓⵙⵙⵏⴰ ⴷ ⵓⵙⵡⵉⵏⴳⵎ ⵉⵣⴷⴷⵉⴳⵏ .