ⵜⴰⴷⵓⵙⵉ ⵏ ⵉⵎⴰⵏ ⴷⴰⵔ ⵍⵡⴰⵛⵓⵏ ⴷ ⵡⴰⵣⵣⴰⵏⵏ ⴷⴷⵔⵏ ⴷⴼⴼⵉⵔ ⵏ ⵓⵔⵊⵉⵊⵉ ⵏ ⵍⵃⴰⵡⵣ-ⵜⴰⵔⵓⴷⴰⵏⵜ.

ⴳ ⵜⵉⵣⵡⵉⵔⵉ, ⴰⴼⴰⴷ ⴰⴷ ⵏⴰⵡⵙ ⵉⵎⵜⵜⵓⵔⵙⵏ ⵏ ⵓⵔⵊⵉⵊⵉ, ⵉⵅⵚⵚⴰ ⴰⴷ ⵏⴰⵡⵉ ⵍⴼⴰⵢⴷⵜ ⵣⴳ ⵜⵎⵉⵣⴰⵔ ⵏⵏⴰ ⵖⵉⴼⵙⵏ ⴽⴽⴰⵏ ⵓⵔⵊⵉⵊⵉⵏ ⵉⵎⵔⴰⵢⵎ ⴰⵎ ⵊⴰⵒⵓⵏ, ⵜⵓⵔⴽⵢⴰ, ⵀⴰⵢⵜⵉ, ⵛⵉⵍⵢ ⴷ ⵜⵎⵉⵣⴰⵔ ⵢⴰⴹⵏⵉⵏ.
ⵉⵖⵉ ⵓⵔⵊⵉⵊⵉ ⴰⴷ ⵉⴳ ⵜⴰⵎⵏⵜⵉⵍⵜ ⵏ ⵜⵓⴳⵜ ⵏ ⵜⵉⵎⵓⴽⵔⴰⵙ ⵏ ⵉⵎⴰⵏ, ⵛⴰⵏ ⵉⵎⴷⵢⴰⵜⵏ : ⴰⵏⵣⴳⵓⵎ, ⴰⵙⵖⵓⵏⴷⴼ, ⴰⴷⴷⴰⴷ ⵏ ⵜⵉⵥⵎⵉ ⴷⴼⴼⵔ ⵏ ⵓⵏⴳⴳⵙ (état de stress post-traumatique).
ⵎⵙⴰⵙⴰⵏ ⵉⴹⴱⵉⴱⵏ ⴷ ⵉⵎⵥⵍⴰⵢⵏ ⵏ ⵉⵎⴰⵏ ⵃⵎⴰ ⴰⴷ ⵓⵔ ⵢⵉⵍⵉ ⵛⴰⵏ ⵓⵙⵙⵉⴷⴼ ⵏ ⵓⵊⵓⵊⵊⵉ ⴰⵏⵉⵎⴰⵏ ⴳ ⵡⴰⵢⵓⵔ ⴰⵎⵣⵡⴰⵔⵓ. ⵎⵉⵏⵣⵉ ⴰⵎⴰⵜⴰ ⵏ ⵍⵡⴰⵛⵓⵏ ⵔⴰⴷ ⴰⵖⵓⵍⵏ ⵖⵔ ⵜⵓⴷⵔⵜ ⵜⵓⵏⵣⵉⵍⵜ ⵜⴰⴽⵓⵢⴰⵙⵜ ⴷⴼⴼⵉⵔ ⵉⵎⴰⵍⴰⵙ ⴰⵎⵣⵡⴰⵔⵓ.
ⵜⴰⵙⵏⵉⵊⵊⵉⵜ ⵜⴰⵏⵉⵎⴰⵏⵢ ⵜⴳⴰ ⵜⴰⵎⵥⵍⴰⵢⵜ ⵏ ⵉⴹⴱⵉⴱⵏ ⴷ ⵉⵎⵥⵍⴰⵢⵏ ⵏ ⵉⵎⴰⵏ. ⵓⵔ ⵉⵖⵉ ⴽⵓ ⵉⴷⵊ ⴰ ⵜⵜ ⵉⵙⴽⵔ. ⵡⵏⵏⴰ ⵓⵔ ⵉⵙⵙⵉⵏⴻⵏ, ⵉⵖⵉ ⴰⴷ ⵢⴰⵡⵙ ⵜⴰⵡⵊⴰ ⵏ ⵓⵃⵏⵊⵉⵔ ⴷ ⵡⴰⵣⵣⴰⵏ, ⵉⵎⴰⵔⵔⴰⵡⵏ ⵏⵏⵙⵏ ⵏⵖⴷ ⵉⵏⴱⴷⴰⴷⵏ ⵏⵏⵙⵏ, ⴰⴷ ⵉⵙⵙⴼⵍⴷ ⵉ ⵜⵎⴰⵔⴰ ⴷ ⵓⵅⵓⴱ ⵏⵏⵙⵏ ⴱⵍⴰ ⴰⴷ ⵉⵙⵙⴳⵓⵜ ⴰⵡⴰⵍ ⵏⵖⴷ ⵍⴼⵀⴰⵎⵜ ⵖⵉⴼⵙⵏ. ⴰⴽⵛⵛⵓⵎ ⵏ ⵎⵉⴷⴷⵏ ⵓⵔ ⵉⵙⵙⵉⵏⴻⵏ ⴳ ⵜⵎⵙⵉⴼⵜ ⴰⴷ, ⵉⵖⵉ ⴰⴷ ⵉⴽⵔⵙ ⵖⵉⴼⵙⵏ ⵍⵃⴰⵍ. ⴰⴷⵊⴰⵜ ⵍⵡⴰⵛⵓⵏ ⴳ ⵍⵅⴰⴹⵔ ⵏⵏⵙⵏ, ⵉⵙ ⵙⵙⴰⵡⴰⵍⵏ ⵅⴼ ⵎⴰⴷ ⵉⵊⵔⴰⵏ ⵏⵖⴷ ⵜⵜⴼⵙⵙⴰⵏ. ⵜⵓⴳⵜ ⵏ ⵍⵡⴰⵛⵓⵏ ⵉⵇⵙⵃ ⵖⵉⴼⵙⵏ ⵓⵎⵄⴰⵡⴰⴷ ⵅⴼ ⵓⵔⵊⵉⵊⵉ ⴷ ⵓⵙⵢⴰⴼⴰ ⵏⵏⵙⵏ. ⵉⵖⵉ ⴰⴷ ⵉⴱⴷⴷⵍ ⵓⴼⵔⴰⵢ ⵏⵏⵙⵏ ⵅⴼ ⵜⵓⴷⵔⵜ ⵙⴳ ⵜⵏⴳⴳⵙⵜ.
ⴳ ⵉⵎⴰⵍⴰⵙⵏ ⵉⵎⵣⵡⵓⵔⴰ, ⵉⵅⵚⵚⴰ ⴰⴷ ⵏⵚⵚⵉⵡⴹ ⵉⵊⵉⵊⵊⵉⵜⵏ ⵉⵎⵣⵡⵓⵔⴰ, ⴰⴼⵔⴰⴳ, ⵓⵜⵛⵉ, ⵉⴳⵉⵟⴰⵏ ⵃⵎⴰ ⴰⴷ ⴰⴼⵏ ⴰⵙⵓⵏⴼⵓ, ⴰⴷ ⴳⵏⴻⵏ. ⵢⵓⴼ ⴰⴷ ⵏⵙⵎⵓⵏ ⵜⴰⵙⵍⵎⵢⴰ ⴰⴽⴷ ⵎⴰⵢⵙ ⴰ ⵙⵜ ⵜⵚⵚⵓⵟⴹ. ⴰⴷ ⵏⵙⵎⵓⵏ ⵡⴰⵣⵣⴰⵏⴻⵏ ⴷ ⵉⵃⵏⵊⵉⵔⵏ ⴰⴽⴷ ⴰⵉⵜ ⴷⴰⵔⵙⵏ ⴷ ⵜⴰⵡⵊⵉⵡⵉⵏ ⵏⵏⵙⵏ. ⴰⵛⴽⵓ ⴰⵏⵣⴳⵓⵎ ⵏ ⵓⴱⵟⵟⵓ ⵉⴳⴰ ⵜⴰⵎⵓⴽⵔⵉⵙⵜ ⵜⴰⵅⴰⵜⴰⵔⵜ, ⵉⵅⵚⵚⴰ ⴰⴷ ⴰⵙ ⵏⵔⴰⵔ ⵜⴰⵖⴹⴼⵜ. ⴰⵙⵎⴰⵜⵜⵉ ⵏ ⵍⵡⴰⵛⵓⵏ ⵖⵔ ⵜⵉⵎⵔⵙⴰⵍ ⵏ ⵓⴼⵔⴰⴳ, ⵉⵅⵚⵚⴰ ⴰⴷ ⵉⵖⴰⵎⴰ ⴰⴼⵙⵙⴰⵢ ⴰⵏⴳⴳⴰⵔⵓ ⵎⵛ ⵓⵔ ⵉⵍⵍⵉ ⴰⵡⴷ ⵢⵓⵏ ⴳ ⵍⴰⵀⵍ ⵏⵏⵙⵏ.
ⵉⵇⵇⴰⵏⴷ ⴰⵅ ⴰⴷ ⵏⵙⵙⴰⴳⴳⵓⴳ ⵜⵉⵖⴰⵡⵙⵉⵡⵉⵏ ⵏ ⵓⵙⵏⵖⵎⵙ ⵅⴼ ⵍⵡⴰⵛⵓⵏ (médias).
ⴳ ⵜⴰⵙⴳⴰ ⵢⴰⴹⵏⵉⵏ, ⵉⵅⵚⵚⴰ ⵉⵏⵖⵎⴰⵙⵏ ⴰⴷ ⵡⵇⵇⵔⵏ ⵉⵣⴼⴰⵏ ⵏ ⵍⵡⴰⵛⵓⵏ, ⴰⴷ ⵓⵔ ⵣⵓⵣⵣⵔⵏ ⵜⵉⵡⵍⴰⴼⵉⵏ ⵏⵏⵙⵏ ⴱⵍⴰ ⵍⵅⴰⴹⵔ ⵏⵏⵙⵏ ⴷ ⵉⵏⴱⴷⴰⴷⵏ ⵏⵏⵙⵏ, ⵙ ⵓⵎⴰⵜⴰ ⵉⵎⵜⵜⵓⵔⵙⵏ ⵉⵅⴰⵜⵔⵏ.
ⵎⴰⴷ ⴳⴰⵏ ⵜⵉⵎⵉⵜⴰⵔ ⵏ ⵜⵉⵎⵓⴽⵔⴰⵙ ⵏ ⵉⵎⴰⵏ ⴷⴰⵔ ⵍⵡⴰⵛⵓⵏ ?
ⵉⵖⵉ ⴰⴷ ⵉⵍⵉ ⵖⵓⵔⵙⵏ : ⵉⴱⵥⴹⴰⵏ, ⵉⵡⵉⵣ ⴷ ⵜⵉⵎⵓⴽⵔⴰⵙ ⵏ ⵉⵟⵚ, ⵜⵉⵎⵓⴽⵔⴰⵙ ⵏ ⵓⵜⵛⵉ, ⴰⴳⵥⴰⵥ ⵏ ⵉⵚⵔⵎⴰⵏ, ⵜⴰⴳⴳⵓⴷⵉ, ⴰⵏⵣⴳⵓⵎ, ⴰⵣⵄⴰⴼ, ⴰⵙⵖⵓⵏⴷⴼ, ⵜⵉⵎⵓⴽⵔⴰⵙ ⵏ ⵓⵙⵙⵍⵎⴷ ⴷ ⵜⵉⵖⵔⵉ.
ⴷⴰ ⵏⵜⵜⴰⴼ ⴳ ⵉⵙⵖⵍⴰⴼ ⵏ ⵉⵎⵥⵍⴰⵢⵏ :
ⵉⵇⵇⴰⵏⴷ ⴰⴷ ⵓⵔ ⵉⵍⵉ ⵓⴱⵟⵟⵓ ⴳ ⵜⵓⴷⵔⵜ ⵜⴰⴽⵓⵢⴰⵙⵜ ⵏ ⵍⵡⴰⵛⵓⵏ, ⴰⵎⵛⵉ ⵉⵅⵚⵚⴰ ⴰⴷ ⴰⵖⵓⵍⵏ ⴳⵔ ⵜⵉⵖⵔⵉ ⵏⵏⵙⵏ ⴳ ⵓⵙⵙⴰⵏ ⵉⵎⵣⵡⵓⵔⵉ ⵙ ⵜⴰⵣⵣⵍⴰ.
ⵉⵖⵉ ⴰⴷ ⵉⵍⵉ ⵓⴽⵛⵛⵓⵏ ⴰⵏⵉⵎⴰⵏ ⴳ ⵡⴰⵢⵓⵔ ⴰⵎⵣⵡⴰⵔⵓ ⵖⵔ ⵛⴰⵏ ⴰⴷⴷⴰⴷⵏ ⵉⵎⵔⴰⵢⵏ ⴰⵎ ⵍⵡⴰⵛⵓⵏ ⵏⵏⴰ ⴰⵙⵏ ⵎⵎⵓⵜⵏ ⵉⵎⴰⵔⵔⴰⵡⵏ ⵏⵏⵙⵏ, ⴰⵢⵜ ⵎⴰⵜⵙⵏ ⵏⵖⴷ ⵉⵙⵜⵎⴰⵜⵙⵏ, ⵉⵎⵜⵜⵓⵔⵙⵏ ⵉⵎⵔⴰⵢⵏ, ⵉⵎⵓⴹⵉⵏ ⵏⵖⴷ ⴰⴷⴷⴰⴷⵏ ⵏ ⵓⵎⵎⵓⵄⴹⵔ. ⵎⴰⵛⴰ ⴰⴽⵛⵛⵓⵎ ⵉⴳⴰ ⵜⴰⵡⵓⵔⵉ ⵏ ⵉⴹⴱⵉⴱⵏ ⴷ ⵉⵎⵥⵍⴰⵢⵏ.
ⵉⵅⵚⵚⴰ ⴰⴷ ⵏⵔⴰⵔ ⵜⴰⵖⴹⴼⵜ ⵉ ⵉⵎⵜⵔⴰⴼ (adolescents) ⵣⴳ ⵉⵎⵉⵣⵉ ⵏⵖⴷ ⵍⵎⵅⵉⴹⵔⵜ ⵏ ⵎⵏⵖⵉⵎⴰⵏ (suicide) ⴷ ⵓⵙⵡⵓⵔⵉ ⵏ ⵉⵙⴷⵓⵀⴷⵓⵜⵏ (drogues) ⴰⵎ ⵍⴽⵉⴼ.

ⵖⵔ ⵓⴳⴳⴰⵔ

ⵓⴷⴷⵓⵎ ⵏ ⵉⴼⵔ ⴰⴷⵙⵍⴰⵏ ⴳ ⵓⵙⴰⵎⵎⵔ ⴰⵙⵉⵡⴹ ⵏ « ⵜⴰⴹⴰ ⵜⴰⵎⵖⵔⴰⴱⵉⵜ » ⵙ ⵎⴰⴷ ⵉⵥⵍⵉⵏ ⵙ ⵜⵓⴳⴰⵔⵉⵏ ⵏ ⵓⵙⴷⴰⵡ ⴰⵎⴰⵣⵉⵖ ⴹⴰⵕⵜ ⵏ ⵉⵙⵜⴰⵢⵏ ⵉⵎⴳⴳⵓⵔⴰ ⵜⴰⴱⵔⴰⵜ ⵢⵓⵏⴼⵏ ⵉ ⵓⵏⵙⵙⵉⵅⴼ ⵏ ⵜⵏⴱⴰⴹⵜ